Pas humbjes dëshpëruese ndaj Zvicrës, Kosova është rikthyer me një fitore të madhe ndaj Suedisë në kualifikimet e Kampionatit Botëror.

‘Dardanët’ fituan me rezultat 2-0 në një ndeshje të luftuar nga minuta e parë, shkruan Arbresh.info.

Elvis Rexhebeçaj shënoi në minutën e 26-të, për epërsinë fillestare.

Ndërkohë tre minuta para mbylljes së pjesës së parë, Vedat Muriqi e shënoi edhe golin e dytë.

Në pjesën e dytë, Suedia kërkoi golin të rikthejë në lojë mirëpo pa sukses.

Isak pati mundësi të mirë por Aro Muric ishte i shkëlyqer me një pritje.

Deri në fund, Kosova mbrohej dhe përmes kundërsulmeve rrezikonte.

Mërgim Vojvoda humbi një mundësi të mirë veç me portier, por Olsen ishte në vend.

Në fundin e ndeshjes Lindon Emërllahu u përjashtua nga ndeshja pas dy kartonave të kuq.

Pas dy ndeshjeve të luajtura, Kosova radhitet e dyta në grup me tre pikë, me një fitore e një humbje.

Kurse Suedia është e treta me një pikë aq sa ka edhe Sllovenia e fundit. Grupit i prinë Zvicra me gjashtë sosh./Arbresh.info